التصنيفات
المدونة

الشغل في مجال الـ Digital Marketing

سهل ولا صعب؟

هل الشغل في مجال الـ Digital Marketing سهل ولا صعب؟

it’s complicated 😎

خلينا نتفق علي بعض التعريفات في الاول

١- الفرق بين Simple vs Easy

في حاجة ممكن تبقي سهلة وبسيطة في نفس الوقت، وممكن تبقي واحدة منهم بس. يعني لما اطلب منك تضرب رقمين في بعض، مثلا 2×2

هنا الموضوع بسيط لان العملية الحسابية دي ينفع تعملها من غير مجهود كبير لانها حاصل ضرب رقمين، وفي نفس الوقت سهلة، مش محتاج منك تفاصيل كتير علشان توصل للنتيجة.

لكن لو طلبت منك تضرب

97396394×989877

هنا العملية لسه بسيطة (لانهم في الاخر رقمين)، ولكن مش سهل انك توصل ليهم بدون ما تستخدم عامل مساعد (الالة الحاسبة) علشان توصل للنتيجة، فهنا الموضوع بقي Complicated

٢- الفرق بين Complex vs Complicated

الاثنين مشترك بينهم انهم فيهم اجزاء/عوامل كتير مرتبطة ببعض.

الحاجة المعقدة هي اللي صعب تفهم طبيعة عمل الترابط بين الاجزاء، واي تغير في اي رابط ممكن يؤدي لنتائج مختلفة وغير متوقعة لان الأجزاء لما بتتفاعل مع بعض، ده بيؤدي لسلوك غير متوقع، وبالتالي النتائج هتختلف كل مرة.

مثلا المخ البشري اللي بيتكون من ملايين الخلايا العصبية وكيفية تفاعلها مع بعض، ومثال التفاعلات الكيميائية اللي بتاخد احيانا وقت طويل في دراستها وفهمها، واحيانا التركيبة مش بتنجح او مبيكونش واضح التأثيرات الجانبية لبعض التركيبات اللي بتحصل فيها.

ولكن الحاجة المركبة: فهي مجموعة اجزاء ينفع تدرس كل جزء لوحده، وفهمك لكل التفاصيل (كل جزء لوحده) هيساعدك في فهم الموضوع ككل.

زي بناء الطائرات: عملية مركبة تتطلب فهم الفيزياء والهندسة والأمان، او صنع ساعة ميكانيكية: تحتوي على العديد من التروس والأجزاء المتحركة التي تعمل معًا لقياس الوقت.

فببساطة، “complex” بتشير لحاجة معقدة وعميقة قد تكون غير قابلة للفهم بالكامل، بينما “complicated” بتشير لحاجة مركبة ومكونة من أجزاء كتيرة لكن يمكن فهمها وتحليلها بالكامل بمجهود كافي.

في مجال الـ Digital (ودا ينطبق علي مجالات كتير)

انت هنا بتتعامل مع اشخاص .. والعامل المشترك بينهم هو انهم عندهم اهتمامات.. بس الاهتمامات دى مختلفة تماما .. واختلافات اى عامل بتأثر عليك بشكل كبير .. فمش معنى انك نزلت Template من على الانترنت انت هاتقدر تعمل الموضوع .. لان الموضوع هايختلف على حسب انت بتكلم مين .. سنهم كام .. هدفك ايه من الرسالة اللى هاتوصلها.. هاتوصلهم بأى طريقة.. عرضك للطريقة هايفرق … الاحداث “سواء” سياسية/اجتماعية/رياضية .. كل دى عوامل ممكن تخلى “مثلا” شركتين بيقدموا نفس المنتج/الخدمة لنفس الناس يعملوا حاجات مختلفة تماما عن بعض .. او حتى لو انت نفس الشخص اللى عمل الموضوع اللى نجح جدا قبل كده .. لو طبقته فى مكان تانى ممكن يفشل جدا فدا اللى بيسموه ان الموضوع مركب complicated

لكن بدراسة الموضوع اكثر من مرة، وملاحظة النتائج والتحرك بناء عليها، خاصة لما تستخدم ادوات كتير تقدر تحلل بيها كل حاجة “تقريبا” فتشوف نمط معين وتبني خطة بناء عليه، فانت هنا كسرت الاجزاء واشتغلت علي كل جزء لوحده

فالفكرة ان الشغل مركب بس محتاج شوية تدريب ..لكن عن فهم.