رمضان داخل يا جماعة خلاص كل سنة وإنتم طيبين
فعايزين نغرق التايملاين شير بقى من صفحات الفضائيات اللي محدش يعرف إنها موجودة اللي بتتكلم عن مسلسلات محدش يعرف إنها اتعملت وجايبة لقطات لممثلين محدش سمع عنهم بيقولوا حاجات محدش مهتم بيها،
وعايزين نركز قوي في الاندهاش من تقل دم الإيفيهات وسماجة الكوميديانات ورداءة المحتوى والكتابة والتمثيل بشكل عام،
وعايزين نشد حيلنا كده وندقق وندور كويس عشان مفيش حتة خرة تهرب مننا هنا ولا هنا يعني لا نترك حجرا على الإنترنت إلا وقد قلبناه..
بالذات الشباب المبتكر بتاع أنا لقيت ده يشد حيله معانا شوية،
الخرة مش حينشر نفسه بنفسه والصناعة كلها بقت حرفيا واقفة على الريتش بتاعكم وحتى الناس اللي بتعمل أعمال حلوة بقت بتشيرلكم خراها عشان عارفة إن هو ده اللي بتدوروا عليه لأنكم بقيتوا أهم أسلحتها الدعائية؛
إصرار سيزيفي ملحمي على تصييت القلاليط الناشفة + حس عالي بالمسئولية لأن إنتو بس اللي عندكم نت.