بمناسبة عودة “الكاميرا الخفية” تاني وبمناسبة اليوم العالمي للمـ. ـرأة كمان بالمرة ، من أكتر المقالب اللي بحبها في “الكاميرا الخفية” الاصلية بتاعة ابراهيم نصر مقلب اسمه “فات الميعاد” بيحمل تجربة اجتماعية ونفسية كمان لانه قايم على فكرة لذيذة اوي وهو انهم بيصوروا في عيادة دكتور يوم الاثنين بس كل زبون حاجز كشف وعايز يدخل للدكتور يقولوله انه جه متأخر يوم وان النهاردة الثلاثاء مش الاثنين ، الفكرة وحبكة المقلب بقى انه عقلي فقط فمكنش بيقولهم كده عشان ياخد منهم فلوس حجز جديد لا خالص بالعكس ده بيعرض عليهم يدخلهم عادي للدكتور بس مع التأكيد على ان النهاردة الثلاثاء مش الاثنين وهنا بقى الشخص المعمول فيه المقلب بيتجـ. ـنن من ان ليه الناس دي مصممة تشككه في اليوم وهما مش هيطلعوا بمصلحة مادية من وراه ..
المهم ان ألذ حد اتعمل فيه المقلب ده كان راجـ. ـل ومـ. ـراته، لان تعاملهم مع المقلب يبين الفرق بين الراجـ. ـل والسـ. ـت في الثبات على الرأي وتقبل انه يكون غلطان ليه بقى ؟! لان هما الاتنين في الاول صمموا على ان النهاردة الاثنين بس كل واحد فيهم كان عنده حجة مختلفة لاثبات ان النهاردة الاثنين ، حجة الراجـ. ـل ان دقنه منبتة ومعرفش يحلقها قبل ما يروح للدكتور عشان لف على كل الحلاقين لقيهم قافلين يبقى النهاردة الاثنين اجازة الحلاقين ، شوف دليل وحجة قوية جدا لان ده طقس مجتمعي ثابت ومعترف به ان اجازة الحلاقين يوم الاثنين ، في المقابل بقى دليل وحجة السـ. ـت على النهاردة الاثنين كان دليل اهبـ. ـل جدا وهو انها بتغسل وتخبز كل يوم اثنين وبما انها غسلت وخبزت قبل ما تروح العيادة يبقى النهاردة الاثنين ، طبعا حجة ضعيفة لانها قايمة على حدث هي بس اللي بتعمله فممكن تغلط فيه عادي مش طقس مجتمعي ثابت زي اجازة الحلاقين ورغم قوة حجة الرجـ. ـل الا انه تهاوي وضعف وبدأ يصدق فعلا انه سقط يوم من حياته وان النهاردة الثلاثاء مش الاثنين ، لكن السـ. ـت ابدا لم تتزحزح عن موقفها قيد انملة في ان النهاردة الاثنين رغم كل محاولات ابراهيم نصر للتشكيك فضلت على موقفها كالتالي :
-أول حاجة ابراهيم نصر وراهم النتيجة مكتوب فيها ان النهاردة الثلاثاء .. الراجـ. ـل دماغه لفت كده لكن السـ. ـت ابدا قالتله واحنا مالنا ومال النتيجة ياخويا؟! انا مليش دعوة بالنتيجة انا غسلت وخبزت النهاردة ، يبقى النهاردة الاثنين
-بعد كده ابراهيم نصر سأل الزباين التانيين اللي في العيادة النهاردة ايه ؟! قالوله الثلاثاء .. الراجـ. ـل هنا الفار بدأ يلعب في عبه لكن السـ. ـت رفضت تماما واتعصبت عليهم وقالتلهم خليكم في حالكم ، النهاردة الاثنين يعني الاثنين
-بعد كده ابراهيم شككهم في الساعة كمان ، الساعة في ايد الراجـ. ـل ومـ. ـراته 6 ، ابراهيم قالهم يبصوا على الساعة اللي في حيطة العيادة لقوا الساعة 8 .. هنا الراجـ. ـل بدأ يتشكك ، اما السـ. ـت بمنتهى الثبات قالت لابراهيم وايه يعني ؟! ساعتكم هي اللي مقدمة
-ابراهيم خلاهم يشوفوا ساعة في ايد زبون فيها نتيجة لقوا الساعة فيها 8 واليوم الثلاثاء .. الراجـ. ـل بقى خلاص يا عيني دماغه راحت والشك قرب يتحول ليقين ، اما السـ. ـت بصت لجـ. ـوزها بحزم وقالته ملكش دعوة بحد في العيادة دي اسمع كلامي انا بس ، بقولك خبزت النهاردة يبقى الاثنين
-ابراهيم بعدها دخلهم زبون من برا العيادة سأله على اليوم قاله الثلاثاء .. الراجـ. ـل يا عيني مسك دماغه مش مستوعب اللي بيحصل اما السـ. ـت فهبت بعنـ. ـف في وش الزبون ثلاثاء ايه ؟! ازاي يعني ؟! النهاردة الاثنين
-ابراهيم قرر يضرببهم القاضية فشغلهم الراديو اللي كان فيك طبعا ومذيعة الراديو بتقول اليوم والساعة والتاريخ ان النهاردة الثلاثاء والساعة 8.30 .. هنا الراجـ. ـل خلاص آمن وصدق ان النهاردة الثلاثاء وانه سقط يوم كامل من حياته وقالها “شكلهم هما اللي صح” ، تيجي بقى للسـ. ـت بعد نظرة طويلة لجـ. ـوزها أبو ايمان ضعيف وعزيمة رخوة قامت بمنتهى الثقة قالتله: “بايظ ، راديو بايظ ، اسمع كلامي انا غسلت النهاردة ، هو الاثنين” وخدته من ايده وقالته يلا نمشي من العيادة دي ..
وهنا يبرز الفارق بين الرجـ. ـالة والسـ. ـتات ، الراجـ. ـل غلبان يا عيني في تقبل ان حد يغلطه ويقنعه بغلطه ويلعبله في دماغه حتى لو معاه حجة قوية ، اما السـ. ـت ابدا لا هتقبل ولا هتسمح بالتشكيك في قناعاتها واللعب في عقلها ولا هتتقبل انها غلطانة حتى لو بترتكز على حجة الغسيل والخبيز ، وطلعت هي الصح في الاخر ..
الستات دايما على حق 
للناس اللي بتسأل عن اللينك مش هعرف احط لينكات هنا عشان الفيس بيطيرهم من عندي علطول مش عارف ليه ، بس ادخلوا اكتبوا على يوتيوب “الكاميرا الخفية مقلب فات الميعاد” هتلاقوا الحلقة موجودة كاملة