مين مننا ك رجالة ما بيحلمش بالزوجة الصالحة
اللي هيا ازاي يعني ؟!
اللي هيا كل الحاجات الحلوة مع بعضها
١
الزوجة يعني السكن . يعني الهدوء . يعني اللي ما تخافش تتكلم معاها لتطلعك غلطان . أو تمسك لك كلمة مستقبلا
٢
اللي لما تزعلوا من بعض تروق بسرعة
٣
اللي مخلية بيتك جنة من حيث النضافة
٤
اللي بتفاجئك بطبخات أحلى من أكل المطاعم
٥
اللي لما تدعوها للفراش تيجي بسهولة
وفي العلاقة الجنسية بتشبع رغباتك
٦
اللي تخاف على فلوسك
٧
اللي بتحترمك قدام أهلك
٨
اللي بتحسن تربية أولادك . وبتكبرك في نظرهم
٩
الفرفوشة اللي بتضحك وتهزر
١٠
صاحبتك اللي بتشاركك اهتماماتك وهواياتك
طبعا فيه ناس بيتكلموا عن الصفات دي على إننا هنشوفها في الجنة إن شاء الله . ما فيش ستات في الدنيا كده
لكن
أحب اقول لحضرتك فيه ستات كده فعلا . لكنهم بيتعملوا عمولة . مش هتلاقيهم جاهزين
يعني
الست محتاجة من جوزها يدربها ويطوعها ويعلمها عشان تبقى كده
مش هتاخد واحدة من بيت أهلها ف تلاقيها كده لوحدها
ممكن أهلها مشكورين يكونوا مفهمينها إنها لازم تكون مؤدبة مع جوزها ومطيعة ليه
لكنها مش هتكون عارفة تنفذ ده ازاي
زي ما تجيب لابنك عربية بس هوا ما بيعرفش يسوق
ف ممكن تاخد واحدة من بيت أهلها معاها التوصيات الخام بتاعة اسمعي كلام جوزك وخليكي مؤدبة ومطيعة . لكنها هتكون لسه ما تعرفش تترجم ده لحياة ازاي في بيت جوزها
وهنا ييجي موضوع البوست . إن حضرتك ك زوج محتاج تاخد إيد زوجتك وتفهمها كل نقطة من اللي فاتت دي بتتنفذ ازاي
وتعالى أضرب لك أمثلة على كل نقطة
١
الزوجة يعني السكن . يعني الهدوء . يعني اللي ما تخافش تتكلم معاها لتطلعك غلطان . أو تمسك لك كلمة مستقبلا
إنتا محتاج تفهم زوجتك إن أهم طلب ليك ك زوج هو السكن . قبل وأهم من الأكل ومن الجنس ومن أي حاجة
تفهمها إنك في حرب طول اليوم . والبيت بالنسبة لك هو المكان اللي بتهرب ليه عشان تحس بالسكن
إنتا محتاج الهدوء من زوجتك
وبناءا عليه . فانتا محتاج تراقب نبرة صوت زوجتك . وتفهمها وقت ما نبرة صوتها تعلى إن صوتها على وده ما يصحش . إنتي ست محترمة المفروض تلتزمي بنبرة صوت منخفضة
طبعا دا صعب على الرجالة . وأول حاجة هيعملها الزوج لما زوجته صوتها يعلى إنه يعلي صوته أعلى منها
ف بقول لك . درب نفسك على السيطرة على الموقف . مش الانفعال معاه
زوجتك لو بتنتقدك . فهمها إن مش ده المطلوب من النقاش ما بيننا . المطلوب من النقاش هو إننا نقرب من بعض . مش ننتقد بعض ولا نغلط بعض
فهمها إن لو كل طرف انتقد التاني . هتكون النتيجة إن كل طرف هيسكت خوفا من الانتقاد . هل إنتي تحبي كده . هتسكت . كده هيا فهمت
٢
اللي لما تزعلوا من بعض تروق بسرعة
إحنا كرجالة الزعل والروقان عندنا أون أوف . زي اللمبة . شغالة أو مطفية
الستات الزعل والروقان عندهم زي السخان . بيسخن ببطيء ويهدى ببطء
ف نتخانق احنا الاتنين
بعد ٥ دقايق . أنا كراجل . لمبة الزعل عندي بتتطفى . فجأة بابقى مش زعلان . ف أروح اصالحها بقى
بكون معتبر إنها عندها لمبة بردو . هتتكى على الزرار هتتطفي
بينما الحقيقة إنها بتكون محتاجة وقت أطول للروقان . ف إبعد عنها دلوقتي
بتروح تصالحها . تقوم رادة عليك رد سخيف
فجأة اللمبة تشتغل . في لحظة
ف تلاقي نفسك ك راجل بتزعق أكتر من الأول
وبعد شوية اللمبة عندك تتطفى . ف تروح تصالحها تاني . ف يتكرر نفس السيناريو
ف إنتا كل راجل . محتاج تدرب زوجتك على الخروج من الزعل
ما تصالحش بسرعة . مش لمجرد إنك رقت تفترض إنها راقت
ولما تروح تصالح ما تطلبش منها تطفي اللمبة بشكل كامل
أطلب منها تروق شوية . تتعشى عشان ما تنامش من غير عشا . لف حوالين المصالحة يعني
تاني يوم . ما تسألهاش روقتي ولا لأ
ولكن إسألها . بقينا النهارده أحسن شوية ؟
يعني وصل لها إنك متقبل منها تكون محتفظة ببعض الزعل
ويوم بعد يوم إسألها لحد ما تلاقيها راقت تماما
الهدايا بتعالج الزعل
هتلاقي ستات بتقول لك لااااا . أنا مش مادية
سيبك منهم . كل الستات بتتأثر بالهدايا
حتى لو كانت الست غير مادية . الهدية مش بس بفلوس عشان نربطها بالمادة فقط . ولكنها أيضا تحمل رسالة اهتمام وتقدير
ما تجيش خلال فترة الزعل دي وتطلب جنس
كده هتكرهها فيه
لكن . إطلبه لما تلاقيها أوشكت تروق
الجنس بيسرع آخر مراحل الاستشفاء من الزعل
والمرة دي من الجنس لازم تكون هادية جدا . ما ينفعش فيها التنطيط بتاع العادي
وتقبل منها في المرة دي تكون خاملة معاك . ما تلومهاش على ده فتعمل مشكلة جديدة
لو عملت كل الروتين ده . هتلاقي زوجتك بعد كده بتاخد دور الزعل ده بسهولة . مش زي قبل كده لما كانت كل خناقة بنجيبكم فيها من على حدود الطلاق
٣
اللي مخلية بيتك جنة من حيث النضافة
إنتا محتاج تفهم زوجتك إيه شكل البيت اللي انتا بتحبه
ومحتاج توفر لها مقومات البيت ده
هيا محتاجة تشتري بخور مثلا . ما تجيش تقول لها اشتري الأساسيات وبلاش إسراف
أيوه هيا هتخلي لك البيت جنة من غير فلوس ازاي يعني ؟!
الشاطرة تغزل برجل حمار
دا عند امك حضرتك
الست محتاجة مصاريف طول الوقت عشان تطلع لك بيتك بالشكل اللي انتا بتحلم بيه
٤
اللي بتفاجئك بطبخات أحلى من أكل المطاعم
عشان تلاقي المستوى ده . ف إنتا محتاج أصلا تاخدها لمطاعم كتير . مع الوقت هتلاقيها بدأت تكتسب مهارات في تغيير الأكل . لإنها شافت أكل بطرق مختلفة . ويا سلام لو في مدن مختلفة
عشان تحقق ده . زوجتك هتطلب منك مصاريف لمكونات أكل غريبة . ما تعترضش
عاوزة تشتري زبدة مثلا . ما تقوللهاش اطبخي من غير زبدة
هتطبخ من غير زبدة وهتطلع لك الأكل شبه بعضه . ما تعترضش بقى
نفسك زوجتك تعمل لك مخبوزات في البيت
يبقى هتجيب لها عجان . وفرن
وطبعا قبل دا كله . إنتا محتاج تكون مخليها ما بتشتغلش . أمال هتفنن لك في الأكل بعد ما تيجي من الشغل الساعة ٤ العصر !!
٥
اللي لما تدعوها للفراش تيجي بسهولة
وفي العلاقة الجنسية بتشبع رغباتك
دي أصعب المهام على ما أعتقد عليك كل زوج
ليه ؟
لإن الزوجات عندنا بيطلعوا من بيت أهاليهم زي قالب الطوب
ما فيش أي مصدر تعليم محترم للموضوع ده
ف طلبك ده ما فيش طريقة لتحقيقه إلا إنك تكون انتا اللي هتعلمها
النقطة الأولى بتاعة إنك لما تدعوها تجيبك دي اتكلمت عنها في بوست قبل كده
ملخصه
إن دي حاجة دونها الرقاب يعني . إوعى تتسامح أو تتهاون فيها . حتى لو هتتخانقوا . حتى لو هتحضر أبوها وأمها وتشتكي لهم . حتى لو هتطلقها . دي نقطة ما فيهاش تسامح
تاني حاجة إن الحل الدبلوماسي للموضوع ده إنها كل مرة هيا ترفض فيها . تفضل انتا تهزر وتلعب وتضحك لحد ما تمارس معاها حتى ولو غصب عنها تحت ستار الضحك والهزار
هيا بعد كده هتعرف إنك دماغك جزمة قديمة وطالما عايز يبقى هتعمل بمزاجها أو غصب عنها
ف هتبطل حكاية الامتناع عنك دي
لكن
كلامنا في البوست هنا عن إنك لو عاوز الزوجة البونبوناية المقشرة دي . ف إنتا محتاج تصنعها
يبقى
إنتا محتاج تشركها في الموضوع
هتلاقيها زي قالب الطوب . أيوه . الستات الشرقيات كده
يبقى إيه الحل
الحل إنك تشاغلها خلال الموضوع
تكلمها
تسألها
تاخد من ردود أفعالها وتعرف إيه اللي بيأثر عليها
وبعدين تعمل العكس
تظهر انتا ردود أفعال عند تصرفاتها اللي بتعجبك
هنا هيا هتبتدي تتعلم إيه بيعجبك
أو تطلب منها مباشرة حتى
يعني لو انتا بتحب إنها تلعب لك في شعرك مثلا . أطلب منها
ومهم جدا يكون فيه وقت بعد العلاقة تفضلوا فيه مع بعض وتتكلموا
تحكي لها عن أجمل حاجة هيا عملتها النهارده وعجبتك
أمال هيا هتتعلم منين ؟!
في نفس السياق
الست عشان تبقى البونبوناية دي . محتاجة بردو مصاريف . إصرف
٦
اللي تخاف على فلوسك
عشان تعلم زوجتك ده . إنتا محتاج توصل لها فكرة إنك بتتعب في الفلوس دي
أنا كان شغلي معظمه سفر من المنصورة للقاهرة
بقيت اجي في يوم ما عنديش فيه شغل في القاهرة . يا دوب زيارة معرض مثلا . واقول للمدام تعالي اعزمك في مطعم في القاهرة
طبعا هيا مش عارفة المقلب فين
كانت تيجي معايا . ونروح المطعم فعلا
وتاني يوم تلاقي جسمها كله مكسر من السفر
ف بقت تقول لنفسها . لو ده اليوم اللي ما فيش فيه شغل . دا الصد رد . وانا تعبت كده
أمال اليوم اللي بيطلع فيه ٦ الصبح يرجع ٢ الصبح تاني يوم ده بيعمل فيه إيه
هنا أنا ما احتاجتش اقول لها بشكل صريح إني باتعب عشان اجيب الفلوس
لكنها وصلتها المعلومة
يبقى انا كده علمتها تحافظ على فلوسي
٧
اللي بتحترمك قدام أهلك
شوف حضرتك
عشان حد يحترمك . لازم يكون بيشوف منك مواقف رجولة وشهامة طول الوقت
ف إنتا خليك كده . هتفرض عليها تحترمك طول الوقت . قدام أهلك وقدام أي حد
٨
اللي بتحسن تربية أولادك . وبتكبرك في نظرهم
إحسان تربية أولادك ده محتاج منكوا طول الوقت تتكلموا عنه
يبقى بينكم اتفاق على طرق التربية . وهيا يكون دورها التنفيذ
ف ما تجيش تشتكي لي إن زوجتك لا تحسن تربية أولادك . وانتا عمرك ما علمتها تربيهم ازاي وعلى قواعد إيه
٩
الفرفوشة اللي بتضحك وتهزر
إنك تلاقي ست بتهزر من نفسها كده . دا مستحيل
لكن . ممكن انتا تصنع جو الهزار طول الوقت . ف تبتدي هيا تدخل في المود ده
يعني وانتا رايح جاي في الشقة . كل ما تلاقيها عاطياك ضهرها . إضربها على ضهرها . من تحت . مثلا
إبعت لها إيموجيهات على الواتس . هترد عليك بإيموجيهات
فاجئها بهدية . ولما تفتحها هيص معاها واحضنها
خططوا لخروجة . وخلوا نص خروجاتكم ليكم فقط بدون الأولاد
ناديها بألفاظ الدلع
إعرف الحاجات اللي بتغيظها وعاندها بيها
كده هتخلق جو الفرفشة في البيت
١٠
صاحبتك اللي بتشاركك اهتماماتك وهواياتك
شاركها اهتماماتك . كلمها عنها . خدها معاك المعارض اللي في مجال شغلك مثلا بحيث تاخد فكرة عن شغلك وتنبهر بيه
أدخل انتا في هواياتها . كده هتبقوا اصحاب
زوجتك حلالك . ورفيقتك . مش هتلاقي أحسن منها في كل حاجة . صاحب وداعم ورفيق رحلة