التصنيفات
مقالات الضيوف

الخطورة والاذي في غير الملوس

مش العكس

انا هقولكوا الموضوع صعب ليه…

الصديق او او الحبيب او الشريك او المدير او القريب السام خطورته واذاه في غير الملموس دايما مش العكس…

في النظرة اللي كلها تهكم، او تهديد، او عدم رضا في كل خطوة

في الصمت الموتر والصمت العقابي والصمت المراد بيه هزك وتهديدك علي شئ ايضا غير ملموس انت عملته

في المعاملة المتغيرة وغير المستمرة علي مدار يومي او اسبوعي اللي بتسيبك فاكر ان اليوم اللي بيعدي من غير مشكلة هو اقصي ما تتمناه او تستاهله…

في الحلو اللي بيلاحقه وحش

في العطاء بنية السحب

في التواجد بنية الغياب

في الاعتياد بنية التغير

في السماح بنية المنع

في الطلب بنية الاحراج

في السؤال بنية الاستغلال

والفضول بنية التجريح

في الحياة اللي عايشينها دي، الاذي مش شبه الافلام… والشر مش دايما واضح وملموس

عشان كدا فيه ناس بتستخمل، وفيه ناس بتكمل، وفيه ناس بتسامح وفيه ناس بتبرر وناس مابتصدقش الضحايا … عشان فين الدليل؟؟

انا هقولكوا بقي فين الدليل… الدليل في النمط.

بين الفعل والفاعل دايما… نمط…

النمط لا يكذب، ولا يتجمل، ولا يتصنع…

لما تشك في جوهر قريب ولا غريب… دور علي النمط المتكرر منه، او عنه…

المصدر