الإنتاجية بقت الدين الجديد بتاعنا، وخبراء الإنتاجية بقوا زي آلهة مزيفة بنعبدها!
• زمان كنا بنصحى لصلاة الفجر، دلوقتي بنصحى الساعة ٥ الصبح عشان نكتب يومياتنا أو نترمي في مية ساقعة (Cold Plunges يعني استحمام بالمية الباردة).
• كنا بنصوم عشان ربنا، دلوقتي بنصوم عشان “نحفز الأوتوفاجي” (Autophagy يعني تنظيف الجسم من السموم).
• كنا بندي صدقة عشان آخرتنا، دلوقتي بنتبرع عشان “صحتنا النفسية”.
• كنا بنصلي خمس مرات في اليوم، دلوقتي بنعمل تمارين شكر (Gratitude Exercises) ٥ دقايق.
• كنا بندور على ربنا عشان نلاقي هدف في الحياة، دلوقتي جسمك هو “المعبد” والمتعة هي اللي بنعبدها.
• كنا بنعيش عشان حاجة أكبر من الدنيا، دلوقتي بناخد مكملات غذائية (Supplements) بنهوس عشان نعيش في الدنيا دي للأبد.
حتى النوم!
بنهتم بجودة المراتب والسرير ونتفرج على تطبيقات بتتتبع نومنا (Sleep Tracking Apps)، في حين إن أجدادنا كانوا بيناموا زي الأطفال على حصير من القصب.
الموضوع مش مجرد تغيير عادات، ده تغيير في طريقة تفكيرنا كلها. ثقافة الإنتاجية بقت زي دين دنيوي لناس بتحاول تملّي فراغ جواها.
بتقدملنا:
• طقوس (زي روتين الصبح Morning Routines).
• كتب “مقدسة” (زي Atomic Habits وThe 4-Hour Workweek).
• “أنبياء” (زي نافال رافيكانت، تيم فيريس، كريس ويليامسون).
• وعد بالخلاص: إنك تبقى في أحسن أداء وتعيش حياة مثالية (Peak Performance وOptimized Living).
بس المشكلة؟ الإنتاجية دي بتملّي وقتك، مش روحك.
• إحنا أكفأ من أي وقت، بس أقلق من أي وقت.
• متصلين أكتر، بس أوحش من أي وقت.
• محسنين حياتنا، بس مش مرتاحين.
الحقيقة ان اللي إحنا محتاجينه مش “هاك” إنتاجية جديد ولا فيلسوف تويتر جديد.
في حين اللي محتاجينه هو:
• هدف إلهي؛ اي
“كل واحد يجد له ثغراً كل يرابط فيه.”
• صلاة.
• معنى.
فيمكن، يمكن بس، إن الإجابات كانت عندنا من الأول بس تخلينا عن الأصل والثوابت!
ملحوظة صغيرة: أنا مش بلوم علي عبدال ولا أي خبير إنتاجية تاني ومش عايز حد يلومهم، لان الموضوع مش نقد للأشخاص زي علي أو غيره دي مراجعات ذاتية للمشاركة. همّا مش قاصدين الناس تعاملهم معاهم كآلهة. هم بيقولوا حاجات مفيدة جدًا، وأنا شخصيًا استفدت منهم. بس إحنا، “كناس عادية”، اللي بنحطهم على قاعدة همّا أصلاً ما طلبوهاش وكمجتمع بنعطيهم قدر ومقام هم ماسعوش ليه، وده عشان نواقصنا إحنا.
#منقول عن Ibrahim Khan CoFounder of Islamic Finance Guru