رجل الأعمال اللي إسهامه انه ورث بيزنس ناجح معملوش قال جملتين عكس بعض يدلوا فعلا ان جودة التعليم تقاس بقدرة المتعلم على استنباط فكرة سليمة من معطياته
يعني الأول قال اصل اي دولة بتحط توازن بين العمل والحياة ضاعت
بعدين ضرب مثال انه معرفش يشتغل في ألمانيا بسبب عدم قدرته على سحل العمال في الشغل
فمعرفش هو وصل ازاي لنتيجة ان العامل في مصر بيشتغل اكتر من ألمانيا ومع كدا ألمانيا اللي ضاعت.. وإزاي مشافش العكس او حاول يفكر ان ربما كان العمل بساعات محددة وإجازات وحد ادنى عادل للأجور بيطلع انتاج اكثر كفاءة حتى لو الناس اشتغلت اقل.. بس يعني.. الرجل محدود الذكاء لدرجة انه هو بنفسه بيقول المعطيات دي ومش عارف يطلع باستنتاج واحد سليم واستنتج العكس
وكلامه دا مش منبت الصلة بأسطورة “المصريين مش عايزين يشتغلوا” اللي بيقولها ناس كتير وهم مش شايفين حواليهم ان مفيش اتنين تلاتة في مصر مبيشتغلوش في وظيفتين وتلاتة.. عشان ببساطة اي حاجة اقل من الناس تتسحل تماما بدون لحظة راحة هي عدم عمل وعدم رغبة في العمل